Ito po ang #TulayCommunity. Dito nagsimula magsilbi ang Pilar Reading Center noong 2010 at ngayo’y nagpapatuloy. Pinaglilingkuran ng Pilar Reading Center ang mga bata mula rito kasama na rin ang kanilang mga magulang. Sa Tulay Community na ito, mayroon pa lamang na tatlong (3 ) ‘college graduates’ simula pa noong magkaroon ng tulay sa mga kabahayaang ito. Sa kasalukuyan, mayroong labingwalo (18 ) pamilya dito sa #TulayCommunity . Pinakamalaking bilang ng anak sa isang pamilya ay walo, pinakamaliit naman ang isa.

Dito sa Tulay Community, Purong Batya, Purok 1, Banuyo, Pilar, Sorsogon, 4714, makikita natin na di hadlang ang kahirapan para sa edukasyon.

Layunin ng PRC sa Tulay Community na ang bawat bata o #Tulay kid sa Tulay Community ay makapagbasa, at maging #Tulay ng pagbabago sa kani-kanilang pamilya.

Nais rin ng PRC na makatulong makadagdag ng mga college graduates at propesyunal na nagmumula sa Tulay Community. Sa kasalukuyan, ang ikatlong college graduate mula sa tulay na ito ay nasa ilalim ng review program ng PRC. Kukuha siya ng Sept 2016 LET.

Tara, sama na! Sama-sama tayong maging #TulayNgPagbabago.